Gagana Tokelau

Take the
Survey
Ko te Komihi e fofou ko koe ke fakafehōkotai mai kilatou, pe ko tau kulupu/vahega, ke fakailoa mai na mea na pa koe ki ei ite taimi nae hakili galuega ai koe, totogi fakailoga tagata, tulaga e iei te galuega, ma te fanofano ki mua.

He tino faigaluega koe mai te Pahefika?  Ko na auala iēnei e mafai ai koe ke kaufakatahi

E talia e kimatou na tuhituhiga e kaumai mai na tino faigaluega uma o te Pahefika e galulue i na fale Gaohi (Manufacturing), Fau (Construction), ma te Hoifua Malōlō (Health).  Mai te aho 19 o Iulai ki te aho 30 o Novema 2021, ka mafai koe ke tuhi mai, imeli mai, tweet, telefoni mai, lafo mai he vitiō, pe fanatu ki te fono ka fakahavali ki koga kehekehe o te atunuku.

 

Kikila ifo kite laupepa tenei pacificpaygap.hrc.co.nz , mo ni iētahi fakamatalaga.

Imeli pacificpaygap.hrc.co.nz 

Telefoni 0800 486 877

 

Mulimuli kit e Human Rights Commission i luga o Facebook, Twitter, LinkedIn, and Instagram

Heā te Pacific Pay Gap?

Ko te Pacific Pay Gap ko te kehekehega o na totogi i te vā ona tino faigaluega mai te Pahefika ma na kulupu faka atunuku vena ma he itupā e lahi na totogi i luga i Aotearoa Niuhila – taulelea Pāpālagi Niuhila.

Ko heā te Pacific Pay Gap Hukehukega?

Ko te Komihi o te Aiā Tatau Fakatetagata e fai nei ana hukehukega ke malamalama atili pe heā te tāofiofi ai te tutuha ona totogi ite va o tagata faigaluega mai te Pahefika ma iētahi tino faigaluega.  E fia kimatou iloa foki pe ni ā ta na pihinihi e fai, pe tatau ke fai, ke fakaleleia ai na avanoa faigaluega mo tagata faigaluega o te Pahefika ke kitea ai foki te hē fetaui ona totogi, fai ni tonu agai ki ei ma fakatalanoa, vena ma te tulaga ke fakauma ma taofia ai tenei hē lelei.  Ko te hukehukega ka kikila ai kite iloa ma te māhani ona tino faigaluega mai te Pahefika ina matāgaluega e tolu kua tākua:

  1. Gaohi (Manufacturing)
  2. Fau (Construction)
  3. Hoifua Malōlō.

Ko heā te fia maua e kimatou mai tenei hukehukega?

Ko te Hukehukega tenei ka mafai ai te Komihi ke kikila ki ni avanoaga pe ni auala ke fakataigole ai te vā ona totogi o tagata faigaluega Pahefika mai ie tahi tino e galulue i te private sector.  Ko na hakilikiliga iēnei ka aogā lahi lele ki te fōfōga ona tulaga hē lelei e fakafeagai ma iētahi vaega. 

Aiheā te kua kavea ai tenei matākupu ma fakafitauli o te aiā tatau fakatetagata?

Ko tagata faigaluega mai te Pahefika e tutuha o latou aiā tatau ma iētahi tino: 

  • tutuha na totogi mo na galuega e tutuha te tau,
  • e tutuha na avanoa maua mo na galuega,
  • ke haogalemū ma haoloto mai te hona fai ma te fakailoga lanu i loto ona falefaigaluega.

Ko iēnei aiā tatau e puipuia i lalo o te tulafono a Niuhila ma na tulafono fakavāomalō kua hainia e Niuhila, ko te mea ia e tatau ai ke lagolago.  Ko na Pihinihi foki e iei o latou tiute taukave i lalo o te tulafono ke fakamautinoa ko na aiā tatau ona tino faigaluega e fakaaloalogia ma lagolagomia.  Kae ko te lave, e hē maua e tagata faigaluega uma o te Pahefika iēnei aiā tatau.