Gagana
Samoa

E manaʻo le Komisi e fia faʻalogo iā te oe, poʻo lau vaega, e uiga i ou a’afiaga i le faʻafaigaluegaina, faʻailoga totogi, tulaga o galuega, faʻalauiloaina, ma le alualu i luma.

O le a le Pacific Pay Gap?

O le Pacific Pay Gap o le eseʻesega lea o totogi i le va o tagata faigaluega a le Pasefika ma le atunu’u e sili ona maualuluga totogi i Aotearoa Niu Sila – tagata faigaluega mai Europa. O se ata fa’apenei:

Ole a le Suʻesu’ega ole Pacific Pay Gap?

O loʻo faʻatautaia se suʻesuʻega e le Komisi o Aiā Tatau a Tagata, ina ia malamalama lelei ai i le mea o loʻo taofia le tutusa o totogi i le va o tagata faigaluega a le Pasefika ma isi tagata faigaluega. Matou te fia iloa foʻi poʻo ā fuafuaga a pisinisi o loʻo faia, pe ono mafai ona fai, e faʻaleleia atili ai avanoa faigaluega mo tagata faigaluega Pasefika, ina ia mafai ai ona faʻailoaina, talanoaina, ma faʻamutaina le lē tutusa o totogi.

 

O le suʻesuʻega o le ā iloiloina ai mea na tutupu i tagata faigaluega Pasefika i ni galuega se tolu:

  1. Gaosiaina
  2. Fausiaina
  3. Soifua Mālōlōina.

O le ā le mea tatou te mananaʻo e ausia i lenei Su’esu’ega?

O le suʻesuʻega o le ā mafai ai e le Komisi ona faʻailoa ni avanoa e fa’atutusa ai totogi o tagata faigaluega a le Pasefika i pisinisi tuma’oti. O faʻamatalaga maua mai, o le ‘ā aogā tele i le faʻafetaiaʻi ai o tulaga lē lelei o feagai ma isi itu’aiga atunuʻu.

Aiseā ua avea ai lenei  matāupu o se aiā tatau a tagata?

O tagata faigaluega Pasefika, e tutusa ā latou aiā tatau faʻavae o tagata soifua pei o isi tagata uma:

 

  • tutusa totogi mo galuega e tutusa le tāua,
  • tutusa avanoa mo galuega,
  • ia saogalemu ma sa’oloto mai le fa’aaogāina o tagata ma le faʻailoga tagata i falefaigaluega. 

O nei aiā tatau e puipuia i lalo o tulafono a Niu Sila ma tulafono faʻavāomalo ua saini ai Niu Sila, o lea la e tatau ai ona tausisia ma lagolagoina. O pisinisi, o loʻo i ai fo’i tiute tau’ave i lalo o le tulafono e faʻamautinoa ai, e fa’aaloalo ma lagolagoina le aiā tatau a tagata faigaluega. Ae pagā lea, o nei aiā tatau e lē masani ai tagata faigaluega uma o le Pasefika.